ولسواک حکومت د زرېزې د پرمختیایي موخو په ځانګړې توګه د بېوزلي د له منځه وړلو موخې په لاسته راوړلو کې مرکزي نقش لوبوي. په افغانستان کې د زرېزې د پرمختیایي موخو لاسته راوړنه په مرکزي او محلي کچه د پیاوړې، مشروع او اغیزمنې عامه ادارې له شتون سره تړلې ده. داسې اداره چې د بېوزلو په ګډون د عام ولس اړتیاوو ته ځواب ویونکي وي.

د بون له تړون نه وروسته ډیر ټینګار د دولت د بنسټیزو ادارو پر جوړولو و. اوس ننګونه داده چې دغه ادارې په اغیزمنه توګه پرمختیایي چارې پر مخ بوزي. منتخب دولت د کمزورو ادارو، ټیټ کاري ظرفیت، اداري فساد، ناامني او د مرکزی دولت، ولایتي ادارو او محلي خلکو تر منځ واټن په څیر ډیرو ننګونو سره مخ دی.

د ملګرو ملتونو پرمختیایي اداره د دولت د عمومي او مرکزي ظرفیتونو د پیاوړي کولو لپاره په مقدمو دولتي ادارو کې د مدیریت، مشرتابه او اړیکو په برخه کې د ملکي دولتي کارکوونکو د کاري ظرفیت پر لوړولو تمرکز کوي. په دې کې د مرکزي دولت د کاري ظرفیت لوړول، د مرستې د اغیزمنې ملي تګلارې برابرول، د مرستې د اداره کولو ظرفیت رامځته کول او د معلوماتو د اداره کولو سیسټمونو ته وده ورکول شامل دي. امانتي وجهي صندوقونه له دولت سره مرسته کوي چې مالي سرچینې راټولې کړي او له ملي پرمختیایي بودجې سره مرسته کوي چې د پروژو د تمویلولو د داسې لارو چارو د برابرولو پر مټ راټولې شوې مالي مرستې اداره کړي چې بودجې یې د وړاند وینې وړ وي.

په محلي کچه د افغانستان د محلي ادارې د پیاوړي کولو تر پروګرام لاندې له دولت سره د محلي ادارې د پالیسي او حقوقي او انتظامي چوکاټ د جوړولو؛ د ولایتي او ولسوالیو د بنیادي او اداري ظرفیت لوړولو او د ولسوالیو د شوارګانو د کاري ظرفیت لوړولو له لارې چې د دولت او ولس تر منځ د پله نقش ولوبوي مرسته کېږي.

د ملګرو ملتونو پرمختیایي اداره د ولسواکۍ له ټینګېدا سره د ملي بنسټونو (د ټاکنو خپلواک کمېسیون او پارلمان) د جوړولو، د روڼیتا او حساب ورکولو ودې او ځوانانو او ښځو ته له ځانګړې پاملرنې سره د مدني ټولنې د پیاوړې کولو له لارې مرسته کوي. د ملګرو ملتونو پرمختیایي اداره د حقوقو او مساوات د ودې لپاره د عدلیې، بشري حقوقو، د ښځو او نارینه وو د مساوات او د معلولیت په برخه کې کار کوي.

د ملګرو ملتونو پرمختیایي اداره د روان ولسواک اوښتون په ملي بهیرونو کې لاندې مرکزي مرستې کوي: (۱) د پالیسي په هکله سلامشوره او تخنیکي مرسته؛ (۲) د ادارو او افرداو کاري ظرفیت لوړول؛ (۳) تبلیغ، اړیکې او عامه پوهاوی؛ (۴) منځګړیتوب او د خبرو اتر وده او (۵) د پوهې او ښو کاري دودونو شریکول.
د ملګرو ملتونو پرمختیایي اداره له افغانستان سره د ولسواک حکومت په پیاوړتیا کې له لاندې لارو مرسته کوي:
 

Projects