د ملګرو ملتونو پرمختيايي اداره د ملګرو ملتونو هغه نړيواله پرمختيایي شبكه ده چې د بدلون په لار كې نه ستړې کېدونکې هڅې کوي او د ولسونو د ښې راتلونكې لپاره هېوادونه له پوهې، تجربو او سرچينو سره تړي. مونږ د نړۍ په ۱۶۶ هېوادونو كې له دولتونو او ولسونو سره د كورنيو او نړيوالو پرمختيايي ننګونو په وړاندې د دوى د حل له لارو چارو سره سم ګډ كار كوو. تر هغه پورې چې دغه هېوادونه خپل کاري ظرفیت لوړوي د ملګرو ملتونو د پرمختیایي ادارې او ددغې ادارې د بېشمیره شریکانو له کارپوهانو نه ګټه اخلي.

د نړۍ مشرانو هوډ کړی چې د بېوزلۍ د نیمایي کولو د سترې موخې په ګډون به د زریزې پرمختیایي موخې تر ۲۰۱۵ کال پورې ترلاسه کوي. د ملګرو ملتونو د پرمختیايي ادارې شبکه دغو موخو ته د رسېدو لپاره نړیوالې او ملي هڅې همغږې کوي. موږ له هېوادونو سره مرسته کوو چې د ولسواک حکومت، د بېوزلۍ د کمولو، د ناورینونو د مخنیوي او رغونې، انرژي او چاپریال، معلوماتي او مخابراتي ټکنالوجیو او له ایډز سره د مبارزې په لارې کې پرتو ننګونو ته د حل لارې پیدا کړي.