د پخوانیو وسله والو د بې وسلې کولو او ملکي ژوندانه ته راګرځولو، ماین پاکۍ، د سولې ټینګښت او بشري خوندیتوب په برخه کې د پام وړ لاسته راوړنو سره سره د امنیت په لار کې اوس هم سترې ننګونې پرتې دي. د تیرو څو لسېزو جګړو او ورستي بغاوت له امله په ټول هېواد کې بې اندازې ډیره وسله، ماینونه او مهمات خپاره شوي دي. د قانون د واکمنۍ او د ولسونو د معیشت په وړاندې نورو پرتو ننګونو کې د پولیسو د سمون د بهیر پڅوالی، انفرادي زورمندان چې ناقانونه وسله واله ډلې یې ملاتړ کوي او د اپینو د اقتصاد پراختیا ( چې اوس د ناسوچه کورني عاید ۳۰- ۴۰ ٪ جوړوي) د یادولو وړ دي. ځمکني ماینونه او طبعي ناورینونه لکه اوچکالي، سیلابونه او زلزلې د پرمختیا په وړاندې غټ خنډونه دي.

د ملګرو ملتونو پرمختیایي اداره له یو پلوه د رغونې د لنډ مهاله اړتیاوو د پوره کولو له نوښتونو سره مرسته کوي او له بل پلوه په ټولنه کې د کورنیو بېځایه شوو وګړو، راستنو شوو کډوالو، له طبعي ناروینونو نه د اغیرمنو شوو خلکو، معلولینو او پخوانیو وسله والو په څیر له زیان سره مخ ډلو پر اوږدمهاله میشته کېدنې باندې کار کوي.

د ملګرو ملتونو پرمختیایي اداره غواړي چې د پرسونل ضد ماینونو، وسلو او مهماتو اغیزه د خلکو پر ژوند کمه کړي او د شخړو مخنیوي، سولې او پایېدونکې پرمختیا کې کلکه ونډه واخلي. د ملګرو ملتونو پرمختیايي اداره له افغان دولت سره مرسته کوي چې ناقانونه وسله والې ډلې ړنګې کړي. د ملګرو ملتونو پرمختیایي اداره له ملي ادراو سره کار کوي چې د ولایتونو، ولسوالیو او کلیو په کچه د طبعي ناورینونو د خطرو د کمولو نوښتونه پلي کړي. د ملګرو ملتونو پرمختیایي اداره په ټولنه کې د پخوانیو وسله والو له میشته کولو سره د روزنیزو پرواګرمونو او بدیل معیشت د برابرولو له لارې مرسته کوي. د پروژو له لارې په ښارونو او کلیوالو سیمو کې خلکو ته د کار د پیدا کولو او د ټولنو د هڅولو پر مټ په مسقیمه توګه د کورنیو د عاید مسایلو ته د ځواب موندلو او په ناقانونه اقتصاد کې د برخه اخیستنې د مخنیوي هڅه کېږي.

د ملګرو ملتونو پرمختیایي اداره په افغانستان کې د ناورینونو د مخنیوي او رغونې لپاره لاندې کارونه ترسره کوي:

Projects